人気ブログランキング | 話題のタグを見る

:: 生意良機?



呢個話題我很少涉足,但我都想廢嗡一下。

深圳採購半天遊後,發覺香港買到的國內成品,大多數都比批發漲價近三倍,尤其是那些獨市貨,最厲害的見過國內開價賣 $3.8,香港價賣 $48,見到都真係人都癲,但呢點唔係我想講的主體。

唔知大家有無行開街,近來街邊檔或門口檔都紛紛引入卡通樣的八達通透明保護貼,成行成市,價錢大概五蚊一張,十蚊三張。今次的半天遊,仍見到有港師奶準備搏一搏入貨,大批買,幾毫子就有一張,轉個手買出一張就賺幾倍,好似好易賺,但實際上我覺得呢個市場已經接近飽和,再有新加入者就只會賺得更少,甚至無得賺。

其他玩意,例如電子跳字鐘,香港開價 $258,批發市場零售價 $128,但批發價應該會更平。而所謂的牛牛投射鐘 (呢個我認為有得做,呢條水好新),批發市場零售價 $48,批發價更低,返香港包裝一下,賣到 $150 真係唔出奇。眼見望到呢類轉個手就賺的錢,好想自己都搵埋一份,但呢種真係辛苦錢,自己抬上抬落,無論擺上網賣定係寄賣,都要付出額外時間。雖然我眼見有利可圖,但這些錢又是否真的非賺不可?

但諗深一層,假設 $35 一個投射鐘,返到香港買 $150,一個轉手就賺 4 倍,真係諗得過,有無人有興趣參埋玩下先?

P.S. :Subway 一向都排行在我的最愛快餐店的 Top 3 之內,今次深圳半天遊,誤打誤撞地碰到有分店,還大字標題 Special Offer – 一隻四吋潛艇,一杯汽水再加曲奇或薯片,開價 $13。

二話不說當然衝入去幫襯,店內空無一人,冷清清靜英英。真係咁樣長此下去, 開個賤價都無客源,真係要聽執笠。雖然我呢類顧客見到呢個價真係開心晒,但我真係唔想佢做唔住,話晒Subway 始終都比麥當當同肯雞雞健康,值得保留。
by karvitz | 2009-05-02 23:44 | :: 日記仔女