:: Karvitz's Music Picks - XXIII

音樂雜談

睇娛聞報導，剛發新專輯的小肥曾經提及過碟內一首名〈七月十四〉的歌，內容大致上是說到作曲人李峻一幾年前已經想將〈七月十四〉賣到香港發行，而當年小肥則替李峻一唱 Demo (註：李峻一及小肥皆為澳門人)。

拖拉了好幾年，歌仍舊未賣得出，陳奕迅及黃耀明都唔揀唱，繼而小肥轉戰香港樂壇。最終〈七月十四〉真的賣到香港發行，但就好似變成倉底貨咁，澳門市場真係無得做？

睇到呢篇報導，我諗返起陳輝陽。

記得當年陳輝陽作幾多就差不多派晒上台，你有心抱抱k歌之王會過去的如何掉眼淚單車喜歡戀愛人來人往等等，照辦煮碗的曲式，定時定候的弦樂搭配，初聽流麗，但聽得多便生厭，繼而被唾棄被踩到一文不值。

被棄後，縱然不定時會交出高水準之作，如陳慧嫻的《情意結》一碟，及自行投資的《十二金釵眾生花》都令人拍爛手掌。可惜，贏到口碑卻輸了銷量。

近期一聽到 Christopher Chak 有新作，不期然就搖頭「又係呢種曲風」。由富士山下開始，鍾無艷不吐不快年度之歌披星戴月搜神記及不方便的真相都好明顯睇得出係「同一個阿媽生」的，同時呢個情況，好自然就想到當年的輝陽盛世。根據前人的經歷，我相信 Christopher Chak 的音樂魔法會在不久的時間就會消失。

P.S. 近排令我想到陳輝陽的，還有剛為人母的梁洛施，當年力谷的〈愛到底〉，只聽編曲的風格就知道是陳輝陽之作，一樣的鋼琴襯底，一貫的排陣，是陳式情歌的經典。而〈愛到底〉亦有另一種經典，就是夕爺填的詞，我相信呢首歌都應該算是最行貨一批，大家有時間可以睇睇，比較下。





------------------------------------------------------------
:: Kar' s Hot Picks

我在等　你回來　沒禮物也不著呆　就算只得到鬚腳滿腮　仍然是笑逐顏開


:: 〈手信〉 @ All About Love 演唱會

1. 不方便的真相 – 麥家瑜
2. 於心有愧 – 陳奕迅
3. 愛到底 – 梁洛施
4. 手信 - 楊千嬅
5. 匆匆 – 方力申
6. 停電 – 王馨 / 陳小春
7. 賭愛 – 張柏芝
8. 孤枕難眠 – 周華健

追加：原本有得去睇的《新城極品陳奕迅 same wrong sin 音樂會》

〈於心有愧〉- Eason (新編曲，少了激昂，多了點詭異。)


〈我有貨〉- Swing


〈大大公司〉- Swing + Eason


〈1984〉- Swing + Eason